الرئيسية
في البدايه اود ان اقول لكن اخوتي ان هذه السطور هي تأمل خاص ولا تعبر عن رأي الكنيسه او احد الاباء.... +هل الله ظالم  احيانا كثيره يتهم الناس الله بالظلم وخصيصا عند حدوث المشاكل او التجارب والضيقات ويتهمه بذلك علانية في اثناء الصلاة "ليه يا رب كده ، انا عملت ايه لكل ده ،لماذا تحجب وجهك عني ،........" وكلام كثير فيه اتهامات صريحه لربنا بظلمنا ،بينما ان الله ان اراد ان يمررنا في الصعاب والتجارب والضيقات لانه حقا يحبنا لكي يرينا عمله وقوة يده الخفيه التي لا نراها نحن الصغار +هل يكون الله إذن مظلوما وإذا كان مظلوما فمتى ومن يظلمهنعم الله مظلوما كم من مرة ظلمناه وتكلمنا في انفسنا بأن الله قد تركنا واعلنا ذلك له في صلاتنا التي دائما ما تحزن قلبه عندما نردد هذه العبارات، الله من محبته لنا تركنا نظلمه ولكن من المستحيل ان يكون هو نفسه ظالما لان الله قد تجرب بالظلم وهو على الارض وعوقب ظلما وصلب ظلما ومات ظلما وهو لم يكن له خطيه قط. لكن لعل الضيقات والصعاب والمشاكل تكون لأجلك انت لان الله في بعض الضيقات يرى انك بعيد عنه ومتجاهل لوجوده وقد تتعمد عصيانه او استفذاذه بأعمال انت تعلم جيدا انها تغضبه ومع ذلك يتركك لرأيك من عظم محبته لنا الله اعطانا حريه مطلقه حتي لدرجه اننا احيانا نستخدم هذه الحريه في ما يغضبه اوحتي للتجديف عليه شخصيا. ما هي التجربة التجربة هي وسيلة اتصال مباشر بينك وبين الله ربنا بيحبك ولانه بيحبك بيخلي حاجه تضايقك وتزعلك وانت بعيد عنه على طول تفتكر ربنا وتقوله الحقني يا ابويا انا واقع في مشكله كبيره اتصرف يا ربي يقولك متخافش انا عارف كل حاجه دانا حطيتك في المشكله دي علشان ترجعلي وتيجي تقولي وصدقني عمر ارادتي مش هتكون ضدك لانك ابني وانا تعبت علشانك واستحملتك وشلتك كتير ربنا حنين جدا . وفي اعتقادي الشخصي ان التجربة دي معجزة من ربنا طيب ازاي يا عم بتقول تجربه ومعجزة اقولكم ازاي : ماهو ربنا عايزنا معاه وفي نفس الوقت كل واحد بيقوله مش راجع وبيعاند طيب ربنا مضايق من بعدنا عنه لانه بيحبنا مش علشان عايز يذلنا زي ما بعض الناس بتعتقد ربنا نفسه اتجرب وهو على الارض بتجربه مريره وكانت هي الصليب وقال يارب ان شئت اعبر عني هذه الكأس، وبرضو اتصلب ، طيب ازاي دي ماهو علشان الخلاص بتاعي وبتاعك وبتاع كل الناس ربنا ظلم نفسه علشاننا احنا متقعدش معانا خطيه ابونا ادم جه ومسح كل الخطايا على حسابه الشخصي وعلى حساب كرامت الله كان فدائنا احنا شفتوا احنا ظالمين ربنا ازاي وربنا مستحملنا ولسه بيحبنا ولسه بيجربنا وهيجربنا لانه بيحبنا ربنا بيبعت تجربه ويبعت مخرج بس خلي بالك ان المخرج ده اول طريقه هو ربنا نفسه لو عارف طريق ربنا متخافش من التجارب وقوله جربني يارب زي مانت عايز مش هسيبك طول مانت معايا انا مش خايف وان سرت في وادي ظل الموت لا ولن اخاف شرا لأنك ارحم واحن واطيب حد انا عرفته التجربه بالظبط زي الطفل اللى لما بيلعب بالكبريت مامته بتزعق فيه بس لما يعيط تطبطب عليه وتحضنه وتقوله متزعلش ربنا كده صدقوني ربنا معاكم صلوا من اجلي وصدقوني السطور دي مكتوبه وانا بمر بفتره تجربه شديده جدا وكنت بعيد عن ربنا طول الفتره اللى فاتت بس اديني برجعله ويمكن السطور دي تكون اول الطريق تاني لربنا اللى معاه حل كل المشاكل واكيد معاه حل مشكلتي الشخصيه ولربنا المجد الدائم الى الابد امين وطلبي ليكم انه يكون موضوع مثبت نتكلم فيه ويكون حوار لينا كلنا عن ربنا له كل المجد وكل واحد يكتب خبراته علشان كلنا نستفيد من بعض  |
